Dünya ədəbiyyatından oxunmalı olan 10 kitab

Dünya ədəbiyyatından oxunmalı olan 10 kitab

Mütaliə insan həyatının ayrılmaz hissəsidir və cəmiyyətin inkişafında böyük rol oynayır. Oxumaq  insanların məlumat əldə etmə imkanını artırmaqla yanaşı, onların əqli, emosional və mədəni inkişafına dəstək verən mühüm fəaliyyətdir. Davamlı olaraq mütaliə ilə məşğul olmaq nitqimiz, məntiqimizə, dünyagörüşümüzə və duyğularımıza müsbət təsir edir. Hər kəsin bir kitab zövqü var və öz mütaliəsini bəyəndiyi tərzdə olan kitablar əsasında davam etdirir. Bəs yeni-yeni mütaliə etməyə başlayanların mütləq oxumalı olduqları kitablar hansılardır? Hansı kitablar əsasında bədii zövqünü formalaşdırmaq olar? Biz sizin üçün onları topladıq. Bu da dünya ədəbiyyatından mütləq oxunmalı olan 10 kitab:

1. "Notr-Dam kilsəsinin qozbeli" (Victor Hügo). Viktor Hüqonun bu romanı 15-ci əsrdə Parisdə baş verən bir hekayədən danışır. Baş qəhrəman Quasimodonun hekayəsi sevgi, cəmiyyətdən təcrid olunma və insan təbiəti kimi mövzulardan bəhs edir.

2. "Oblomov" (İvan Qonçarov). Rus yazıçısı İvan Qonçarovun bu romanı baş qəhrəman İlya Oblomovun tənbəlliyindən və hərəkətsizliyindən bəhs edir. Bu roman rus cəmiyyəti və insan xarakterinin təhlili ilə bağlı mühüm əsərdir.

3. "Balaca şahzadə" (Antuan de Sent-Ekzüperi ). Antuan de Sent-Ekzüperinin bu məşhur nağılı balaca şahzadənin sərgüzəştlərindən və onun insan təbiətinin dərinlikləri haqqında düşüncələrindən bəhs edir.
4. "Faust" (Goethe). Bu əsər Faustun şeytanla bağladığı sövdələşməni və insan təbiətinin dərinliklərini araşdıran faciə hesab olunur. Əsərdə təhsilə, müdrikliyə və insanın daimi axtarışlarına diqqət yetirilir.

5."Qərb cəbhəsində təbəddülat yoxdur" (Erich Maria Remarque). Remarkın bu romanı Birinci Dünya Müharibəsinin dəhşətlərini və müharibədən sonrakı travmaları özündə əks etdirir. Müharibənin insanlara təsirini vurğulayır.

6. "Ölü Canlar" (Qoqol). Rusiyada torpaq almaq üçün ölü insanların adlarından istifadə edən Çiçikov adlı şəxsin hekayəsindən bəhs edir. Əsər rus cəmiyyətini və bürokratiyasını tənqid edir.
7. "Karamazov Qardaşları" (Dostoyevski). Fyodor Dostoyevskinin bu romanı üç qardaşın - Dmitri, İvan və Alyoşanın hekayəsindən və onların əxlaqi münaqişələrindən bəhs edir. O, insanın daxili münaqişələrindən və dinin insan həyatındakı rolundan bəhs edir.
8. "Səfillər" (Victor Hüqo). Bu roman keçmiş məhkum Jan Valjanın hekayəsindən bəhs edir. İnsanı ədalət, əxlaq, insanlıq haqqında dərindən düşünməyə vadar edən şedevr əsərdir.
9. "Qürur və Qərəz" (Jane Austen). Jane Austen bu romanda Elizabeth Bennet və Mr. Darsinin sevgi hekayəsini təsvir edərkən 18-ci əsr ingilis cəmiyyətinin sinfi və evlilik normalarını tənqid edir.
10. "Anna Karenina" (Tolstoy). Lev Tolstoyun ən məşhur romanı 19-cu əsr rus aristokratiyasını və cəmiyyətini əks etdirir. Romanda Anna Kareninanın sevgisi və əxlaqi dəyərləri arasındakı münaqişələr təsvir edilir.

Bu kitablardan bəziləri sadə, bəziləri çətin dildə yazılsa da, ümumilikdə sizin mütaliə bacarıqlarınızı artırmağa, yüksək bədii zövqünüzün formalaşmasına yardım edəcək şedevr əsərlərdir. Hər biri öz unikal hekayəsi və mesajı ilə oxuculara təsir edə bilər.