Bani Seminariyası necə quruldu? Adımızın mənası nədir?

Bani Seminariyası necə quruldu? Adımızın mənası nədir?

Yarandığı ilk vaxtlardan uğurlu nəticələri ilə seçilən seminariyamızın 13 yaşı var. Seminariyamız 2010-cu ildə peşəkar təhsil nümayəndəsi olan Bünyad Balakişiyev tərəfindən təsis edilib. Bünyad müəllim seminariyanı yaradarkən qarşısına məqsəd qoymuşdu: O, uğurlu, savadlı, dünyagörüşlü tələbələri- gələcəyin banilərini yetişdirəcəkdi. Elə buradan da, seminariyamızın hər yana səs salan adı qoyuldu: Bani!

Fəaliyyətimizə Gəncədəki Balçılı filialımızla başlamışıq. Daha sonra isə filial sayımızı 5-ə çatdıraraq tələbələrimizə daha çox məkanda peşəkar xidmət göstərməyə davam etdik. Mərkəz, Xəmsə, Şəmkir, Göygöl və Balçılı filialımızda 80-ə yaxın əməkdaşımız birgə tələbələrimizin gələcəyinə töhfə veririk. Hər il abituriyent, buraxılış, MİQ, şəxsi inkişaf və digər kurslar üzrə tələbələrimiz gələcək təhsil həyatlarının və karyeralarının möhkəm təməlini atmaq üçün bizi seçir.

Filiallarımız haqqında qısa məlumat

Balçılı filialı - 2012-ci il sentyabrın 1-də Göygöl rayon, Balçılı kəndi ərazisində regional Təhsil Mərkəzi şəklində yaradılıb. Həmin il Balçılı Təhsil Mərkəzində hazırlaşan abituriyentlərdən 42 nəfər məzun olub, onlardan 41 nəfəri tələbə adını qazanıb.

Göygöl filialı - 2014-cü il avqustun 1-dən Göygöl rayon mərkəzində II filial açılıb və Balçılı Təhsil Mərkəzinin adı Göygöl Təhsil Mərkəzi olaraq dəyişdirilib, vahid ad altında fəaliyyət göstərməyə başlayıb. 2 filialda birlikdə hazırlaşan abituriyentlərdən 74 nəfəri məzun olub və onlardan 71 nəfəri ali məktəblərə, 3 nəfəri isə kolleclərə daxil olmuşdur.

Şəmkir filialı - 2016-cı il aprelin 1-də Şəmkirdə Göygöl Təhsil Mərkəzinin Şəmkir filialı açılmış, 9-cu siniflərə pulsuz dərslər təşkil edilmiş və filialdakı şagirdlərin hamısı şəhadətnamə imtahanından yüksək bal toplamışdılar.

Xəmsə filialı - 2016-cı il noyabrın 9-da Gəncə şəhərində Göygöl Təhsil Mərkəzinin Xəmsə filialı açılıb. Ümumiyyətlə, filiallar üzrə 2012- 2016-cı illər ərzində 48 nəfər abituriyentimiz 500-dən, 32 nəfər abituriyentimiz 600-dən, 1 nəfəri isə 700 bal toplamışdır.

Mərkəz filialı - 2023-cü ilin yanvar ayından Göygöl Təhsil Mərkəzi rebrendinq edərək Bani Seminariyası adı altında uğurla fəaliyyətini davam etdirir. Hal-hazırda tam təmirli, elektron lövhə ilə təchiz olunmuş Mərkəz filialımız Gəncə şəhərində xidmət göstərir.

Qarşımıza qoyduğumuz məqsəd ölkənin hər yerində Bani Seminariyası olaraq fəaliyyət göstərmək, gələcəyin banilərini elə Banidə yetişdirməkdir.